jfghfgcdfstrdgf,lji

ddrfdghfgfhdgfdghjhhkjgyurfghfghdtfrdgfcghftyrgtvhftyrtyfghcfseyguikjgyurtrtrfgfdrtertgf

Read More

សង្សារ វ៉ាន់ នី​ឡា និយាយ​ចំៗ គ្មាន​លាក់បាំង​ពី​នាង

កាលពីពេលថ្មីៗនេះ ម្ចាស់ចិត្ត ម្ចាស់បេះដូង របស់តារាចម្រៀងស្រីវ័យក្មេង ជ្រកក្រោមដំបូល ផលិតកម្ម Pleng Record កញ្ញា វ៉ាន់ នីឡា គឺលោក សិទ្ធិ សក្ដិ បានធ្វើការនិយាយចំៗតែម្ដង ដោយគ្មានលាក់បាំងសូម្បីតែបន្ដិចឡើយ ពីអ្វីដែលលោកបានស្គាល់ពីតារាចម្រៀងស្រី វ៉ាន់ នីឡា ដែលធ្វើឲ្យមនុស្សគ្រប់គ្នាមានការចាប់អារម្មណ៍យ៉ាងខ្លាំង ។បើតាមការឲ្យដឹងតាមរយៈបទសម្ភាសន៍ដល់ «ប្រជាប្រិយ» របស់លោក សិទ្ធិ សក្ដិ លោកបាន ឲ្យដឹងថា «ខ្ញុំស្រឡាញ់ នីឡា ក៏ព្រោះតែ នីឡា ជានារីម្នាក់ដែលមានចំណុចល្អយ៉ាងច្រើន ដែលទីមួយ គឺនាងជាមនុស្សស្រឡាញ់ស្មោះ ទីពីរ នៅពេលដែលឲ្យនាងធ្វើអ្វី នាងចេះធ្វើឲ្យ របស់នោះរីកចម្រើន និងទីបី នាងតែងតែជួយជ្រោមជ្រែង និងគិតពីអនាគតខ្ញុំ ហើយជាពិសេសនាង ជាមនុស្សដែលឧស្សាហ៍ព្យាយាម និងគោរពចាស់ទុំ» ។អ្វីដែលលោក សិទ្ធិ សក្ដិ និយាយ ត្រូវបានលោកបញ្ជាក់ថា «លោកមិនមែនចេះតែនិយាយទេ ព្រោះតាំងតែពីចាប់ផ្ដើមស្រឡាញ់គ្នា កាលពីដើមឆ្នាំ ២០១៥ រហូតមកដល់បច្ចុប្បន្នជាមួយ វ៉ាន់ នីឡា ចរិតរបស់នាងគឺបែបនេះ» ។ លោកបានបន្តថា «កាលពីដំបូង មានគេសួរខ្ញុំថា ហេតុអ្វីបានជាខ្ញុំស្រឡាញ់ វ៉ាន់ នីឡា ហើយកាលនោះ ខ្ញុំក៏ឆ្លើយថា មកពីមាននិស្ស័យទើប ស្រឡាញ់គ្នា តែបច្ចុប្បន្ននេះ ខ្ញុំដឹងថាខ្ញុំស្រឡាញ់ វ៉ាន់ នីឡា ក៏ព្រោះតែនាងជាមនុស្សស្រីម្នាក់ ដែលខ្ញុំមិនអាចខ្វះបានក្នុងជីវិតខ្ញុំ ហើយខ្ញុំស្រឡាញ់ វ៉ាន់ នីឡា លើសជីវិតខ្ញុំទៅទៀត» ។សូមបញ្ជាក់ថា គូស្នេហ៍មួយគូនេះ មិនមានការហាមឃាត់ពីសំណាក់មាតាបិតាទាំងសងខាងឡើយ ហើយឪពុកម្ដាយខាងលោក សិទ្ធិ សក្ដិ ក៏មានការពេញចិត្តនឹងតារាចម្រៀងស្រី វ៉ាន់ នីឡា នេះដែរ និងថែមទាំងធ្លាប់ត្រូវបានលោក សិទ្ធិ សក្ដិ នាំទៅជួបចាស់ទុំខាងប្រុស និងធ្វើដំណើរកម្សាន្ដជាមួយខាងប្រុសថែមទៀតផង ៕

Read More

សម្រស់​តារា​កែ​ភេទ​វៀតណាម​មិន​ចាញ់​តារា​កែ​ភេទ​ថៃ Nong Poy និង​ឡាវ Piyada Inthavong

ថ្ងៃព្រហស្បតិ៍ ទី៣០ ខែមិថុនា ឆ្នាំ២០១៦ ម៉ោង ១០:៣៨   (30-06-2016 10:38)

តារា​កែ​ភេទ​ថៃ Nong Poy និង​តារា​កែ​ភេទ​ឡាវ Piyada Inthavong បាន​ធ្វើ​ឱ្យ​មហាជន​កោតសរសើរ​ចំពោះ​សម្រស់​កៃ​ច្នៃ​បាន​ល្អ​ឥត​ខ្ចោះ​របស់​ពួក​នាង ។

គេហទំព័រ AsianTown ឱ្យ​ដឹង​ថា ឥឡូវ​តារា​កែ​ភេទ​ទាំង​ពីរ​នាក់​នោះ​មាន​គូប្រជែង​សម្រស់​ហើយ គឺ​តារា​កែ​ភេទ​វៀតណាម Nguen Huong Giang ។

Nguen Huong Giang ល្បី​នៅ​ពេល​នាង​បង្ហាញមុខ ក្នុង​កម្មវិធី​ទូរទស្សន៍ Vietnam Idol ដោយ​បាន​បង្ហាញ​ទេព​កោសល្យ​ច្រៀង និង​រាំ​។ សម្រស់ និង​រូបរាង​របស់​នាង​ទាក់ទាញ​ក្រសែភ្នែក​មហាជន ។ បច្ចុប្បន្ន​នាង​ជា​អ្នកចម្រៀង និង​សម្តែង ។

កាលពី​ពេល ថ្មី​ៗ​កន្លង​មក នាង Nguen Huong Giang ត្រូវ​បាន​បោះ​ឆ្នោត​ជាតា​រា​កែ​ភេទ​វៀតណាម​ស្អាត​ជាងគេ​ក្នុង​ប្រទេស ៕

Read More

សម្តេច​តេ​ជោ ហ៊ុន សែន ដក​តំណែង ឧត្តមសេនីយ៍​មួយ​រូប «​ពាក់ព័ន្ធ​រឿង​ប្រមាថ​ប៉ូលិស​ចរាចរណ៍​»

ថ្ងៃព្រហស្បតិ៍ ទី៣០ ខែមិថុនា ឆ្នាំ២០១៦ ម៉ោង ០៧:៤៥   (30-06-2016 07:45)

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ប្រកាស​ជា​សាធារណៈ ដក​តំណែង និង​ឋានន្តរស័ក្តិ ឧត្តមសេនីយ៍​មួយ​រូប ព្រមទាំង​បណ្ដេញ​ចេញពី​នគរបាល ដើម្បី​ព្រមាន​ដល់​អ្នកមាន​អំណាច​ទាំងអស់​ឲ្យ​ចេះ​គោរព​ច្បាប់ ចេះ​ប្រើ​ពាក្យ​សំដី មាន​សុជីវធម៌ មានគុណ​ធម៌ និង​សីលធម៌ ។

សម្តេច​តេ​ជោ ហ៊ុន សែន បាន​សរសេរ​បង្ហោះ​នៅ​ក្នុង​ហ្វេ​ស​ប៊ុ​ក​ផ្លូវការ​របស់​សម្តេច​កាលពី​វេលា​ម៉ោង​១ និង​២៨​នាទី​រំលង​អធ្រាត្រ​ឈាន​ចូល​ថ្ងៃ​ទី​៣០ ខែមិថុនា ឆ្នាំ​២០១៦ ថា ៖ «​ខ្ញុំ​បាន​ស្រាវជ្រាវ​យ៉ាង​យកចិត្តទុកដាក់ និង​ស្តាប់​សារ​ចុះ​សារ​ឡើង​នូវ​ការ​និយាយ​របស់ លោក​ឧត្តមសេនីយ៍ ។ ពាក្យ​(​អា​ប៉ូ​លី​ស​ចរាចរណ៍​)​ជា​ពាក្យ​មិន​ត្រឹមតែ​ប្រមាថមើលងាយ​ថ្នាក់​ក្រោម​ប៉ុណ្ណោះ​ទេ តែ​ជា​ការ​ប្រមាថ​ដល់​ស្ថាប័ន​នគរបាល​ចរាចរណ៍​ទាំងមូល​» ។

សម្តេច​តេ​ជោ ហ៊ុន សែន បាន​សរសេរ​ទៀត​ថា «​ខ្ញុំ​មិន​នឹក​ស្មាន​ដល់​សោះ​ថា គាត់​ជា​ប៉ូ​លី​ស​បែរជា​ប្រើ​ពាក្យ «​អា​ប៉ូ​លី​ស​» ចុះ​ទំ​រាំ​ប្រជាជន​ធម្មតា គាត់​ហៅ​យ៉ាងម៉េច​ទៀត​នៅ​ពេល​គាត់​ខឹង? ។ ខ្ញុំ​អត់​មាន​ជម្រើស​ឱ្យ​ល្អ​ក្រៅពី​សំរេចចិត្ត​ទាំង​ការ​ឈឺចាប់ និង​សោកស្តាយ ដើម្បី​ដក​តំណែង និង ឋានន្តរស័ក្តិ ព្រមទាំង​បណ្តេញ​គាត់​ចេញពី​នគរបាល​ប៉ុណ្ណោះ ។ នេះ​ជា​គំរូ​សំរាប់​អ្នកមាន​អំណាច​ទាំងអស់​ឱ្យ​ចេះ​គោរព​ច្បាប់ ចេះ​ប្រើ​ពាក្យ​សំដី​មាន​សុជីវធម៌ មានគុណ​ធម៌ និង​សីលធម៌​» ។

ជា​ចុង​ក្រោយ​សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​សរសេរ​បង្ហោះ​ក្នុង​ហ្វេ​ស​ប៊ុ​ក​ផ្លូវការ​របស់​សម្តេច​ថា «​ខ្ញុំ​ក៏​សុំ​អំពាវនាវ​ផង​ដែរ ចំពោះ​នគរបាល​ចរាចរណ៍​សុំ​មាន​ពាក្យ​សំដី និង​អ​កប្ប​កិរិយា​ថ្លៃថ្នូរ​ចំពោះ​ប្រជាជន បើ​ទោះជា​គាត់​មានការ​រំលោភច្បាប់​ដោយ​អ​ចេតនា ឬ​ដោយ​ចេតនា​ក្តី​» ។

សូម​បញ្ជាក់​ថា ការ​សម្រេច​ដក​តួនាទី និង​ឋានន្តរស័ក្តិ ឧត្តមសេនីយ៍​មួយ​រូប​នោះ ធ្វើ​ឡើង​បន្ទាប់​មន្ដ្រី​នគរបាល​ចរាចរណ៍​ម្នាក់​ឈ្មោះ សូត្រ កញ្ញា អត្តលេខ​៦៧៩៦៨ បាន​សុំ​កិច្ច​អន្ដរាគមន៍​ពី​សម្ដេច​ក្រឡា​ហោ ស ខេ​ង ឧបនាយករដ្ឋមន្ត្រី រដ្ឋមន្ដ្រី​ក្រសួងមហាផ្ទៃ ព្រោះ​ត្រូវ​អង្គភាព​របស់​ខ្លួន​ដក​បញ្ឈ​ជើង បន្ទាប់​ពី​មន្ដ្រី​នគរបាល​ចរាចរណ៍​រូប​នេះ​បាន​ឃាត់​រថយន្ត​មួយ​គ្រឿង ម៉ាក RAV4 ពណ៌​ទឹកប្រាក់ ពាក់​ស្លាក​លេខ ភ្នំពេញ 2AA-9562 ដែល​បាន​បើក​មិន​គោរព​ភ្លើង​សញ្ញា​ចរាចរ ប៉ះ​ចំ​រថយន្ដ​លោ​ឧត្តមសេនីយ៍​ពាក់​ផ្កាយ​៣​ម្នាក់ ដែល​ត្រូវ​គេ​ទម្លាយ​ថា គឺ​លោក ម៉​ម ស្រ៊ី​វ​ណ្ណា អគ្គនាយករង នៃ​អគ្គនាយកដ្ឋាន​អន្តោប្រវេសន៍ ក្រសួងមហាផ្ទៃ ។ នេះ​បើ​យោង​តាម​គណនី​យ​ហ្វេ​ស​ប៊ុ​កមួយ​ឈ្មោះ សុវណ្ណ រី​ហ្គេ​ន បាន​បង្ហោះ​កាលពី​ថ្ងៃ​ទី​២៩ ខែមិថុនា ឆ្នាំ​២០១៦ ៕

Read More

រថយន្តសាំងយ៉ុង២គ្រឿងបុកគ្នា ផ្ទុះចេញជាអគ្គិភ័យយ៉ាងសន្ធោសន្ធៅ

កំពត៖ គ្រោះថ្នាក់ចរាចរណ៍រថយន្តតួរី២គ្រឿងបុកគ្នា បណ្តាលឲ្យផ្ទុះឆេះក្លាយជាអគ្គិភ័យ យ៉ាងសន្ធោសន្ធៅ បានបង្កឲ្យមានការភ្ញាក់ផ្អើលនៅរសៀលថ្ងៃទី៦ ខែឧសភា ឆ្នាំ២០១៦ ស្ថិតនៅចំណុចខាងលិចស្ពានដុកត្រុំលើ ផ្លូវជាតិលេខ៣ ចម្ងាយប្រហែល២០០ម៉ែត្រ ស្ថិតក្នុងភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត។

មន្រ្តីនគរបាលស្រុកទឹកឈូ បានថ្លែងប្រាប់ ថា គ្រោះថ្នាក់ចរាចរណ៍ខាងលើនេះ បានកើតឡើងរវាងរថយន្ដម៉ាកសំាងយ៉ុង ពណ៌ស និងសាំងយ៉ុងពណ៌លឿង បើកទិសដៅផ្ទុយគ្នា បណ្តាលឲ្យមានអ្នករងរបួសមួយចំនួនផងដែរ តែគ្មានអ្នកស្លាប់នោះទេ។ ក្រោយកើតហេតុ កម្លាំងនគរបាលស្រុកទឹកឈូ បានចុះទៅជួយអន្តរាគមន៍ភ្លាមៗ ដើម្បីបាញ់ពន្លត់ភ្លើង៕

Read More

បុរសចិន​ពិការដៃ​ធ្វើ​ចម្ការ​ដាំបាយ​បញ្ចុក​ម្តាយ​ជរាវ័យ ៩១ ឆ្នាំ​

ទោះបី​ជា​ខ្លួន​ពិការ​ដៃទាំង​ពីរ​ក្តី បុរសជនជាតិ​ចិន​វ័យ ៤៨ ឆ្នាំ​ម្នាក់​បាន​តស៊ូ​រស់​ដើម្បី​ចិញ្ចឹម​ម្តាយចាស់​ជរា​របស់​ខ្លួន។

​យោង​តាម​វេបសាយ​ People's Daily Online លោក ឆេន ស៊ីនយីន ជាអ្នក​ស្រុក​រស់​នៅ​ក្នុង​ខេត្ត​ចុងឈឹង ភាគនិរតី​ប្រទេស​ចិន​ ក្លាយ​ជាអ្នកពិការ​ដៃ​ទាំងពីរ​ដោយសារ​ឆក់ខ្សែ ភ្លើង​កាល​នៅ​វ័យ ៧ ឆ្នាំ។

​ចាប់​ពេល​នោះ​មក​ លោក ឆេន ស៊ីនយីន បាន​រៀនធ្វើ​ម្ហូប ប្រកប​របរ​ធ្វើកសិកម្ម​ និង​មើល​ថែទាំ​ម្តាយចាស់​វ័យ ៩១ ឆ្នាំដែល​មានកម្លាំង​កំពុង​តែចុះ​ខ្សោយ​ទៅៗ​ដេកឈឺនៅ​លើគ្រែ​គួរ​ឲ្យ​អាណោច​អាធម​។ ​

ជា​ពិសេស​មួយខែក្រោយ​នេះ ម្តាយ​គាត់​មាន​អាការធ្ងន់ធ្ងរ​ដេកកម្រើកដៃ​ជើង​មិនរួច​ឡើយ ដែល​តម្រូវ​ឲ្យ​កូន​ប្រុស​ពិការ​ខាំ​ពាំ​ស្លាបព្រា​ដួសបាយ​បញ្ចុក​ម្ដាយ​គួរ​ឲ្យអាសូរ។​

ដោយ​សារ​ពិការ​ដៃ​ទាំងពីរ​មិន​អាច​ចាប់​យកអ្វី​បាន​នោះ ​លោក ឆេន ស៊ីនយីន បានរៀន​ប្រើ​ជើង​ជំនួស​ដៃ​ក្នុង​កិច្ច​ការ​ទាំង​ឡាយមិនថា​ក្នុង ឬ​ក្រៅ​ផ្ទះឡើយ។

កាល​នៅ​វ័យ ១៤ ឆ្នាំ​ ឆេន ស៊ីនយីន ​ចាប់ផ្ដើម​ចិញ្ចឹម​ចៀម និង​ក្របី។​ពេលវ័យ ២០ ឆ្នាំ​ លោក​ក៏​ត្រូវ​ជួបនូវ​គ្រោះកាច​មួយ​ទៀត​ឆក់យក​ជីវិត​ឪពុក​ ខណៈបងប្អូន​បង្កើត​ក៏​បែក​ផ្ទះ​សំបែង​ទៀត សល់​តែម្តាយ​ចាស់​ជរារស់​នៅ​យ៉ាង​លំបាក​វេទនា។

លោក ឆេន ស៊ីនយីន បានចាប់ផ្ដើម​រៀន​ចម្អិន​ម្ហូប ធ្វើកិច្ច​ការ​ផ្ទះ ផ្ដើម​ពីការ​ប្រើ​ជើងកៀប​កាំបិតហាន់​បន្លែ​ និង​មុត​ជើង​ជា​ច្រើនដង​ទម្រាំ​ស្ទាត់​។​

ឥឡូវនេះ​លោក​មិន​ត្រឹមតែ​ធ្វើ​កិច្ច​ការ​នៅ​ផ្ទះ​បាយ​បាន​នោះទេ​ ថែមទាំង​អាចធ្វើស្រែចម្ការ និង​ចិញ្ចឹម​សត្វ​ចៀម​បាន ២៤ ក្បាល​ ក្របី ២ ក្បាល និង​មាន់ ៤ ក្បាល​ទៀត​ផងដើម្បី​ជួយ​​ដោះ​ស្រាយ​ជីវ​ភា​គ្រួសារពី​មួយ​ឆ្នាំ​ទៅ​មួយ​ឆ្នាំ។

មាន​អ្នក​ភូមិ​ម្នាក់​ធ្លាប់​បាន​ឲ្យ​យោបល់គាត់​ថា ពិការអ៊ីចឹង​គួរ​តែ​ទៅសុំទាន​នៅទីក្រុង​ធំៗទៅ​ អាច​រក​ប្រាក់​បាន​ច្រើន​។

តែ​លោក ឆេន ឆ្លើយ​តប​ទាំង​កំហឹង​ថា៖«ខ្ញុំ​គ្មាន​ដៃមែន តែ​ខ្ញុំ​មាន​ជើងទាំង​ពីរ​នៅ​ល្អ ហើយ​ខ្ញុំមិន​អាច​ទៅ​រកលុយ​ដោយ​វិធី​សុំទានគេ​ដាច់ខាត»៕ ​ 

ប្រភព​ ៖ http://www.postkhmer.com/

Read More

អូស​រថយន្ត​ដែល​ដឹក​យាយជី​តាជី​​​ក្រឡាប់​​ទៅ​ទុក​នៅ​​វត្តវិញ ​ព្រោះ​​ខ្មោចលង​​ប៉ូលិស​​រាល់​យប់​

ថ្ងៃអាទិត្យ ទី២៣ ខែសីហា ឆ្នាំ២០១៥ ម៉ោង ០៩:២០

​ខេត្ត​ឧត្តរមានជ័យ ៖ រថយន្ត​ម៉ាក​ហ៊ី​យ៉ា​ន​ដាយ ​មួយ​គ្រឿង ​ព​ណ៍​លឿង​ ពាក់​ស្លាក់​លេខ​៣C-៤៦-១៣ ​ដែល​ដឹក​យាយជី​តាជី​​​បាន​គ្រោះថ្នាក់​ចរាចរណ៍​ កាលពី​វេលា​ម៉ោង​១២​ថ្ងៃត្រង់​ថ្ងៃ​ទី​១៣ ​សីហា​ ២០១៥ ​កន្លង​ទៅ​នេះ​ បណ្តាល​ឲ្យ​មនុស្ស​ស្លាប់​១៧​នាក់​ ​និង​រង​របួសធ្ងន់​ស្រាល​២២​នាក់​ ស្ថិត​នៅ​ភូមិ​ជើងភ្នំ ឃុំ​ត្រពាំង​ប្រី​យ៍ ស្រុក​អន្លង់​​វែង ​។
          
បន្ទា​ប់​ពី​កើតហេតុ​ការណ៍​គ្រោះ​ថ្នា​ក់​​ចរាចរណ៍​​នោះ​មក​ សមត្ថ​កិច្ច​ប៉ូ​លិ​ស​ផ្នែក​ចរាចរណ៍​ស្រុក​ បាន​ស្ទួ​ច​រថយន្ត​​ខាង​លើ​​មក​រក្សា​ទុក ​ស្រាប់តែ​កើត​មាន​ពាក្យ​ច​ចាម​អារ៉ាម​​​និយាយ​​តៗ​គ្នា​ពាសពេញស្រុក​អន្លង់​វែង​ថា​ មាន​ខ្មោចលង​ប៉ូ​លិស​រកតែ​ដេក​ពួន​មិន​បាន​ក្នុង​មួយ​​យប់​ៗ​ ទើប​លោក​វរសេនីយ៍ទោ​ ស៊ី​ម វ​ណ្ណៈ អធិការ​នគរ​បាល​​ស្រុក​អន្លង់​វែង ​ចាត់​​កម្លាំងប៉ូ​លិស​ឲ្យ​អូស​រថយន្ត​ដែល​គ្រោះ​ចរាចរណ៍​នេះ​ដាក់​នៅ​ក្នុង​វត្ត​ជ័យ​ទឹក​ជុំ ហៅ​វត្ត​អន្លង់​​វែង​វិញ ​កាលពី​វេលា​ម៉ោង​៦​ល្ងាច​ថ្ងៃ​ទី​២១ ​សីហា​ ២០១៥​ ។

ទាក់ទិន​ទៅនឹង​ហេតុការណ៍​​​ថាមាន​ខ្មោចលង​ប៉ូ​លិស​ក្នុង​មួយ​យប់​ៗ​រកតែ​ដេក​មិន​បាន នា​រសៀល​ថ្ងៃ​ទី​២២ ​សីហា​ ២០១៥ ​កោះសន្តិភាព​បាន​ទូរស័ព្ទ​ជួប​លោក​វរសេនីយ៍ទោ​ស៊ី​ម វណ្ណៈ​​ បាន​ឲ្យ​ដឹង​ថា​ រថយន្ត​ដែល​គ្រោះថ្នាក់​ចរាចរណ៍​នេះ​ លោក​បាន​ឲ្យ​កម្លាំង​ប៉ូ​លិ​​ស​អូស​យក​​ទៅ​ទុកនៅ​វត្ត​​ជ័យ​ទឹក​ជុំប្រាកដមែន​ ​តែ​មិន​មាន​ខ្មោចលងនោះ​ទេ​ ៕ ​

>>ទទួលបានព័ត៌មានតាមរយៈ​ KOHSANTEPHEAP OFFICAIL LINE

Read More