1:33 AM
Unknown
ភ្នំពេញ: ដោយមានភាពក្លាហាន មិនញញើតនឹងអន្លូងរបស់ក្រសួង និងស្ថាប័នថែទាំប្រពៃណីវប្បធម៌ខ្មែរនោះ កញ្ញា ដេនី បានបង្ហាញភាពភ្ញាក់ផ្អើលយ៉ាងខ្លាំងក្នុងពិភពសិល្បៈសម្តែង ជាមួយនឹងការបង្ហាញរូបភាពសិចស៊ី លែងខ្លួនស្ទើរអាក្រាត អមដោយសំណេរសារខ្លីដែលបង្ហោះក្នុងគណនីហ្វេសប៊ុក តារាសិចស៊ីឆ្នាំ ២០១៥ ។
ក្នុងវ័យ ២១ ឆ្នាំ កញ្ញា ដេនី មិនធ្លាប់បានបន្សល់ស្នាដៃសិល្បៈជាដុំកំភួនដើម្បីកសាងប្រជាប្រិយភាពនោះទេ ទើបតែរំលេចពីរូបថតសិចស៊ីចំហដើមទ្រូង មូលក្លំ គួរឲ្យក្នាញ់ មួយកំណាត់ខ្លួនខាងលើពីឱកាសថតស្ប៉តផ្សព្វផ្សាយឲ្យក្រុមហ៊ុនលក់ផលិតផលថែរក្សាសម្រស់ ម៉េកាប៊ែល។
បន្ថែមលើនេះថ្មីៗនាងហ៊ានលែងសម្រស់ម៉ាអស់ដៃ រំលេចតាំងពីចុងសក់ដល់ចុងជើង មានបិទបាំងតែកន្លែងកេរ្តិ៍ខ្មាសស្រ្តីបន្តិចនោះ បង្កឲ្យភ្ញាក់ផ្អើល បើសូម្បីតែអ្នកសិល្បការិនីរួមអាជីព ក៏លាន់មាត់ចុះចាញ់នាងដែរថា មិនហ៊ានធ្វើដូចនាងទេ សុំសរសើរភាពក្លាហាន ដេនី ឯងហើយ។
បង្ហាញពីជំហរមិនដកថយចំពោះភាពសិចស៊ីដាច់ខាត កញ្ញា ដេនី បានប្រាប់ថា៖ «រូបភាពសិចស៊ីប៉ុណ្ណឹង មិនទាន់បំពេញមហិច្ឆតារបស់ខ្ញុំនោះទេ នៅមានលើសនេះទៀត។ ប្រសិនបើមិនហ៊ានបញ្ចេញភាពសិចស៊ី ក៏គ្មានភាពទាក់ទាញដែរ»។
តារាបង្ហាញសាច់ទ្រលុកទ្រលន់រូបនេះ បានបន្ដថា៖ «ខ្ញុំមិនទៅខ្លាចអីសម្រាប់រូបថតបែបសិចស៊ីនោះទេ។ វាជារូបភាពបែបសិល្បៈ ដូចជា រូបថតកាលពីខ្ញុំថតឲ្យក្រុមហ៊ុនថែរក្សាសម្រស់ម៉េកាប៊ែល ឲ្យតែខាងក្រុមហ៊ុនកុម៉្មង់ថតសិចស៊ីកម្រិតណាក៏បានដែរ»។
បើទោះជាហាមាត់បិទមាត់ពេលណាក៏មិនចាកចេញពីភាពសិចស៊ីក៏ដោយ ប៉ុន្តែតារាសម្តែងជើងខ្ចី ដែលមិនមានប្រវត្តិប្រឡងកម្មវិធីសិល្បៈ ដែលចូលតាមការណែនាំរបស់ផលិតករមួយរូប កញ្ញា ដេនី ក៏នៅរារែកចំពោះការសម្តែងភាពសិចស៊ីស្រើបស្រាលលើគ្រែដែរ ដោយនាងបញ្ជាក់ថា៖ «បើត្រឹមតែថតស្ប៉ត និងសម្តែងក្នុងកាយវិការសិចស៊ីធម្មតា នោះមិនទៅខ្លាចទេ កុំឲ្យសម្តែងភាពយន្ដស្រើបស្រាលនោះ ក៏មិនទទួលទេ»។
កញ្ញា ដេនី អះអាងថា ខ្លួនចាប់កំណើតពីត្រកូលគ្រួសារ ដែលមានជីវភាពធូរធារស្រាប់ ហើយក៏មានជំនួញផ្ទាល់ខ្លួនហើយដែរ។ ប៉ុន្តែដោយសារតែការស្រឡាញ់ពីការងារសិល្បៈទើបនាងហក់ចូលមកប្រឡូកក្នុងការងារនេះ។
ដេនី បន្ថែមថា៖ «ខ្ញុំចូលសិល្បៈមិនមែនដើម្បីយកសិល្បៈជាឈ្នាន់ដើម្បីបង្ហាញភាពសិចស៊ីទាក់ទាញអ្វីនោះទេ។ វាមកពីការស្រឡាញ់បានជាខ្ញុំចូល ហើយពេលនេះក៏មានការងារសិល្បៈច្រើនដែរ ក្រៅពីថតស្ប៉ត និងសម្តែងចម្រៀងខារ៉ាអូខេឲ្យផលិតកម្មថោន និងសាន់ដេ»។
ប៉ុន្តែយ៉ាងណា កញ្ញា ដេនី បដិសេធភាពសិចស៊ី មិនមែនចង់លើកពានឆ្នាំ ២០១៥ នោះទេ ដោយនាងបន្ថែមថា៖ «ខ្ញុំពិតជាសរសេរថា សិចស៊ីប្រចាំឆ្នាំ ២០១៥ មែន ប៉ុន្តែមិនសំដៅអ៊ីចឹងទេ។ សរសេរលេង តែក៏មិនបោះបង់ដែរ ភាពសិចស៊ីចំពោះការស្លៀកពាក់បញ្ចេញសាច់នេះ ជាចំណូលចិត្តខ្ញុំតាំងពីតូចហើយ»៕
by : http://www.postkhmer.com/
0 comments:
Post a Comment