5:03 PM
Unknown
ថ្ងៃចន្ទ ទី១០ ខែសីហា ឆ្នាំ២០១៥ ម៉ោង ២២:៥០
ខេត្តសៀមរាប ៖ កម្លាំងការិយាល័យអន្តោប្រវេសន៍សហការជាមួយកម្លាំងផ្នែកសន្តិសុខ នៃអធិការដ្ឋាននគរបាលក្រុងសៀមរាប ក្រោមការបញ្ជាដឹកនាំផ្ទាល់ដោយលោកវរសេនីយ៍ឯក ចៅ ម៉ៅវីរៈ ស្នងការរងទទួលការងារអន្តោប្រវេសន៍ នៃស្នងការដ្ឋាននគរបាលខេត្តសៀមរាប និងដឹកនាំសម្របសម្រួលដោយតំណាងអយ្យការអមសាលាដំបូងខេត្តសៀមរាប បានចុះស្រាវជ្រាវរុករកជនបរទេសលួចចូលស្នាក់នៅ និងបំរើការងារខុសច្បាប់នៅតាមបណ្តាទីតាំងហាងកាហ្វេ និងរោងសិប្បកម្មឈើនានាក្នុងក្រុងសៀមរាប ។ ហេតុការចុះបង្ក្រាបរហូតឈានដល់ធ្វើការឃាត់ខ្លួនជនជាតិវៀតណាមប្រុសស្រី៣នាក់នេះឡើងនៅថ្ងៃទី៨ និងទី៩ ខែសីហាឆ្នាំ២០១៥ ស្ថិតនៅចំណុចតាមហាងកាហ្វេក្នុងសង្កាត់ស្វាយដង្គំ និងសង្កាត់សាលាកំរើក ក្រុងសៀមររាប ។
លោកវរសេនីយ៍ឯក ចៅ ម៉ៅវីរៈ ស្នងការរងទទួលការងារអន្តោប្រវេសន៍ នៃស្នងការដ្ឋាននគរបាលខេត្តសៀមរាបបានប្រាប់«កោះសន្តិភាព»ឱ្យដឹងថា ជនជាតិវៀតណាមដែលធ្វើការឃាត់ខ្លួនទាំង៣នាក់មាន ១-ឈ្មោះ ង្វៀង ធីថាន់ ភេទប្រុស អាយុ២៦ឆ្នាំ មុខរបរជាងឈើ ក្នុងសង្កាត់ស្វាយដង្គំ, ២-ឈ្មោះ ង្វៀង ធីដា ភេទស្រី អាយុ៣១ឆ្នាំ មុខរបររត់តុតាមហាងកាហ្វេយីហោ លីលី នៅម្តុំផ្សារញ៉ែ ក្នុងភូមិតាភុល សង្កាត់ស្វាយដង្គំ, និង៣-ឈ្មោះ ង្វៀង យ៉ាំងហេង ភេទប្រុស អាយុ២៨ឆ្នាំ មុខរបរជាងតុទូនៅម្តុំក្រោយផ្សារលើធំថ្មី ក្នុងសង្កាត់សាលាកំរើក ។
បច្ចុប្បន្នជនជាតិវៀតណាមប្រុសស្រីទាំង៣នាក់ត្រូវបានកម្លាំងជំនាញរបស់ការិយាល័យអន្តោប្រវេសន៍បញ្ជូនទៅកាន់អគ្គនាយកដ្ឋានអន្តោប្រវេសន៍ក្រសួងមហាផ្ទៃ នៅថ្ងៃទី១០ ខែសីហាឆ្នាំ២០១៥ ដើម្បីដេញចេញពីស្រុកខ្មែរ ៕
ប្រភព ៖ កោះសន្តិភាព
0 comments:
Post a Comment