សមត្ថកិច្ចចុះឆែកឆេរផ្ទះសំណាក់ណាណា ក្នុងសង្កាត់ចោមចៅ ឃាត់ខ្លួនមនុស្ស១៦នាក់ ពាក់ព័ន្ធគ្រឿងញៀន ~ cambodiafastnews

Monday, August 10, 2015

សមត្ថកិច្ចចុះឆែកឆេរផ្ទះសំណាក់ណាណា ក្នុងសង្កាត់ចោមចៅ ឃាត់ខ្លួនមនុស្ស១៦នាក់ ពាក់ព័ន្ធគ្រឿងញៀន

រាជធានីភ្នំពេញ ៖ សមត្ថកិច្ចកងរាជអាវុធហត្ថ សហការណ៍ជាមួយកម្លាំងការិយាល័យគ្រឿងញៀន នៅវេលាម៉ោង៩យប់ថ្ងៃទី១០ ខែសីហា បានចុះធ្វើការឆែកឆេរផ្ទះសំណាក់យ៊ីហោណាណា ស្ថិតក្នុងភូមិត្រពាំងថ្លឹង សង្កាត់ចោមចៅ ដោយឃាត់ខ្លួនមនុស្សប្រុសស្រីចំនួន១៦នាក់ ពាក់ព័ន្ធនឹងករណីប្រើប្រាស់គ្រឿងញៀន។

ក្នុងពេលធ្វើឃាត់ខ្លួននោះ សមត្ថកិច្ចបានរកឃើញគ្រឿងញៀនប្រភេទម្សៅក្រាមសថ្លា ចំនួន១៨កញ្ចប់ ក្នុងនោះមានមួយកញ្ចប់ធំ, ម៉ូតូ៤គ្រឿង, ដែកជំពុះទង់មួយ និងសម្ភារៈប្រើប្រាស់គ្រឿងញៀនមួយចំនួន។ បច្ចុប្បន្នជនសង្ស័យ និងវត្ថុតាង ត្រូវបញ្ជូនទៅកាន់ការិយាល័យគ្រឿងញៀន នៃកងរាជអាវុធហត្ថរាជធានីដើម្បីចាត់ការបន្ត៕

ប្រភព ៖ ANN