5:07 PM
Unknown
គេហទំព័រដ៏ល្បីមួយរបស់អង់គ្លេសឈ្មោះ Daily Mail បានចុះផ្សាយកាលពីថ្ងៃទី២៩ ខែកញ្ញា ឆ្នាំ២០១៤ម្សិលមិញឲ្យដឹងថា កម្មវិធីទូរទស្សន៍មួយរបស់ប្រទេសជប៉ុនដែលមានក្រុមតារាចម្រៀងស្រីសិចស៊ីស្លៀកពាក់ឈុតប៊ីគីនី(Bikini) ឬឈុតហែលទឹក ហៅថាក្រុម Happening Girls បើកការស្វាគមន៍ដល់អ្នកគាំទ្រអាចណាត់ចេញដើរលេងពេលរាត្រីបាន ព្រមទាំងអាចរៀបការជាមួយពួកនាងបានទៀតផង ។
អ្នកគាំទ្រប្រុសៗអាចដាក់ពាក្យមកកាន់អ្នកផលិតកម្មវិធីទូរទស្សន៍ Kandou TV ជាកម្មវិធីបង្ហាញនូវទេពកោសល្យពិសេស និងបទសម្ភាសន៍ ដើម្បីឲ្យដឹងថា តើពួកប្រុសៗទាំងនោះស័ក្តិសមនឹងជួប ហើយណាត់ដើរលេងជាមួយសមាជិកក្រុមតារាចម្រៀងស្រីរូបណា ។
ក្រុមតារាចម្រៀងស្រីសិចស៊ីស្លៀកពាក់ឈុតប៊ីគីនី ដែលមានមូលដ្ឋាននៅទីក្រុងតូក្យូ ប្រទេសជប៉ុននោះ គឺនាង Manaka អាយុ២០ឆ្នាំ, នាង Saaya អាយុ២២ឆ្នាំ, នាង Eri អាយុ២៥ឆ្នាំ និងនាង Kaori អាយុ២៦ឆ្នាំ ហើយនឹងត្រូវចូលរួមដោយតារាមួយក្រុមទៀតដែលត្រូវប្តូរវេនគ្នាមកធ្វើជាសមាជិកក្រុមតារាចម្រៀងស្រីសិចស៊ីនេះ ។
លោក Teruki Aoki អ្នកនាំពាក្យកម្មវិធីទូរទស្សន៍ Kandou TV បានធ្វើការពន្យល់ថា "យើងកំពុងជំរុញលើកទឹកចិត្តដល់អ្នកគាំទ្ររបស់យើងឲ្យចេះជួប និងណាត់ជាមួយតារាចម្រៀងស្រីៗប្រកបដោយភាពវិជ្ជមាន ។ រីឯរឿងពួកគេចុះសម្រុងនឹងគ្នាដល់កម្រិតណា និងទៅឆ្ងាយដល់កម្រិតណាជាមួយគ្នា គឺស្រេចតែលើពួកគេប៉ុណ្ណោះ ខណៈពួកគេត្រូវជាប់កិច្ចសន្យាក្នុងការអនុញ្ញាតឲ្យយើងដឹងឮអំពីជីវិតឯកជនរបស់ពួកគេ និងចែករំលែកនូវទំនាក់ទំនងរវាងពួកគេ" ។ លោកបានបន្តទៀតថា "ពួកគេមានសេរីភាពក្នុងកិច្ចអភិវឌ្ឍន៍ទំនាក់ទំនងណាត់ជួបគ្នា ព្រមទាំងរៀបការជាមួយគ្នាទៀតផង ប្រសិនបើពួកគេចង់ ហើយយើងនឹងកត់ត្រាបទសម្ភាសន៍ សមត្ថភាពក្នុងការរៀបអាពាហ៍ពិពាហ៍របស់ពួកគេ និងយើងរីករាយនឹងរៀបចំពិធីមង្គលការជូនពួកគេ" ៕
ដើមត្នោត
0 comments:
Post a Comment