12:07 AM
Unknown
ថ្ងៃពុធ ទី១២ ខែសីហា ឆ្នាំ២០១៥ ម៉ោង ១០:៥៩
រាជធានីភ្នំពេញ ៖ បុរសជនជាតិចិន២នាក់ស្រវឹងជោកជាំបើករថយន្តលឿនដូចហោះរេចង្កូតទៅបុកពំនូកដីចាក់គនៅតាមចិញ្ចើមផ្លូវខាងឆ្វេងបណ្តាលឲ្យរថយន្តក្រឡាប់២ត្រឡប់បះជើងទ្រមេឃធ្វើឲ្យអ្នកជិះសន្លប់ទាំង២នាក់ កាលពីវេលាម៉ោង១០ និង៣០នាទីយប់ ថ្ងៃទី១១ សីហា តាមផ្លូវ៣០ម៉ែត្រ ភូមិដំណាក់ធំ៣ ក្រុម២ សង្កាត់ស្ទឹងមានជ័យ ខណ្ឌមានជ័យ ។
សាក្សីឃើញហេតុការណ៍បានឲ្យដឹងថា មុនពេលកើតហេតុរថយន្តបង្កម៉ាកឡិចស៊ីស RX300 ពណ៌កណ្តុរល្មែះ ពាក់ស្លាកលេខ ភ្នំពេញ២V៣៧៤១ ជិះគ្នា២នាក់ជាជនជាតិចិនបើកបរក្នុងស្ថានភាពស្រវឹងជោគជាំ តាមផ្លូវ៣០ម៉ែត្រ ទិសដៅពីជើងទៅត្បូងក្នុងល្បឿនលឿន ពេលមកដល់ចំណុចខាងលើបានរេចង្កូតទៅខាងឆ្វេងដៃបើកឡើងលើពំនូកដីដែលគេចាក់ទុកចោលលើចិញ្ចើមផ្លូវ បណ្តាលឲ្យរថយន្តហើបកង់ក្រឡាប់២ជុំ បះជើងឡើលើធ្វើឲ្យអ្នកជិះក្នុងរថយន្តសន្លប់ទាំង២នាក់ ។
ក្រោយពេលកើតហេតុបុរសដែលសន្លប់ជាជនជាតិចិនទាំង២នាក់ត្រូវរថយន្តសង្គ្រោះដឹកយកទៅព្យាបាល ចំណែករថយន្តត្រូវសមត្ថកិច្ចស្ទួចយកទៅរក្សាទុកនៅអធិការដ្ឋានខណ្ឌមានជ័យ ៕
ប្រភព ៖ កោះសន្តិភាព
0 comments:
Post a Comment