12:11 AM
Unknown
ថ្ងៃពុធ ទី១២ ខែសីហា ឆ្នាំ២០១៥ ម៉ោង ១៣:២៤
ខេត្តស្វាយរៀង ៖ មានគ្រោះថ្នាក់ចរាចរណ៍ដ៏រន្ធត់មួយ ដោយសាររថយន្តកុងតឺន័របុកម៉ូតូពីក្រោយពេញទំហឹងបណ្តាលឲ្យយុវជនម្នាក់ស្លាប់ភ្លាមៗនៅនឹងកន្លែង កាលពីវេលាម៉ោង៤និង៤៥នាទីល្ងាចថ្ងៃទី១១ សីហា ២០១៥ នៅលើកំណាត់ផ្លូវជាតិលេខ១ ស្ថិតនៅភូមិគម្ពោតប្រស់ សង្កាត់ច្រកម្ទេស ក្រុងបាវិត ។
សាក្សីនៅកន្លែងកើតហេតុ បាននិយាយថា មុនពេលកើតហេតុ គេឃើញរថយន្តកុងតឺន័រម៉ាកហ៊ីយ៉ាន់ដាយ ពាក់ស្លាកលេខភ្នំពេញ៣B-៤៤២៣ បុកម៉ូតូម៉ាកស៊ីរូសអត់ស្លាកលេខចំពីក្រោយ ខណៈធ្វើដំណើរស្របទិសគ្នាពីកើតទៅលិចពេញទំហឹង បណ្តាលឲ្យដួលម៉ូតូខ្ទាតចេញ រីឯយុវជនរងគ្រោះខ្ទាតចូលក្រោមកង់រថយន្តកិនពីលើរួចអូសចម្ងាយប្រមាណ២០ម៉ែត្រស្លាប់ភ្លាមៗនៅក្នុងថ្លុកឈាមគួរឲ្យអាណោចអាធម៌ ។
មន្ត្រីនគបាលប៉ុស្ត៍រដ្ឋបាលច្រកម្ទេស បានឲ្យដឹងថា យុវជនរងគ្រោះដែលស្លាប់ ឈ្មោះ វង្សស៊ីថា អាយុ២៤ឆ្នាំ ជាកម្មករ មានទីលំនៅភូមិព្រៃទប់ សង្កាត់ព្រៃអង្គុញ ក្រុងបាវិត ។ ចំណែកអ្នកបើកបររថយន្តឈ្មោះ ប៉ុស ម៉ៅ ភេទប្រុស អាយុ៣២ឆ្នាំ មានទីលំនៅភូមិត្រពាំងជ្រៅ ឃុំក្រហែង ស្រុកសំរោងទង ខេត្តកំពង់ស្ពឺ ត្រូវអ្នកស្រុកព័ទ្ធចាប់ខ្លួនប្រគល់ឲ្យនគបាលប៉ុស្ត៍ រួចបញ្ជូនទៅអធិការដ្ឋាននគរបាលក្រុងបាវិតភ្លាមៗ ដើម្បីចាត់ការបន្តតាមច្បាប់ ៕
ប្រភព ៖ កោះសន្តិភាព
0 comments:
Post a Comment